Վարկային համաձայնագրերի գլխավոր խնդիրը շարունակում է մնալ արդյունավետության հարցը. Արծվիկ Մինասյան

Վարկային համաձայնագրերի գլխավոր խնդիրը շարունակում է մնալ արդյունավետության հարցը, թե որքանով են այս վարկային ռեսուրսներն արդյունավետ օգտագործվում. Tert.am-ի հետ զրույցում ասաց ՀՅԴ խմբակցության պատգամավոր Արծվիկ Մինասյանը` պատասխանելով այն հարցին, թե արդյո՞ք լրացուցիչ բեռ չեն համարում տարբեր վարկային համաձայնագրերը՝ արտաքին պարտքի ավելացման առումով: Միաժամանակ Մինասյանը նկատեց, թե կան համաձայնագրեր, որոնք չպետք է դիտարկել ընդհանուր լույսի ներքո: «Օրինակ՝ ճանապարհաշինության մասով, իսկապես երկիրը կարիք ունի լրացուցիչ ֆինանսավորման, եթե այսօրվա մեր ներքին ռեսուրսը չի բավարարում, այստեղ պետք է արտաքին ռեսուրսն արդյունավետորեն օգտագործել»,-ասաց նա: Նշենք, որ ԱԺ նստաշրջանի մեկնարկին միայն երկու համաձայնագրեր դրվել են քննարկման, ըստ որի՝ Կենսական նշանակության ճանապարհային ցանցի բարելավման ծրագրի համար 40 մլն դոլարի վարկ է նախատեսվում վերցնել և ևս 112.970 մլն ԱՄՆ դոլարի չափով վարկ՝ բարելավելու համար քաղաքային տրանսպորտի ենթակառուցվածքները: ՀՅԴ պատգամավորն օրինակ բերեց Հյուսիս-հարավ ճանապարհային ծրագիրը: «Ճանապարհը մասնակի հատվածներով պատրաստ է, որտեղ կատարված աշխատանքը որակական տեսակետից կարող ենք բարձր գնահատել: Սակայն կան համաձայնագրեր, որոնք այս պահին կարող են անհրաժեշտ չլինել այդ կարևորությամբ: Կենսական նշանակության ավտոճանապարհների շրջականերում ձեռք բերումով, կարծում եմ, որ արդյունավետ նպատակադրում է և էականորեն կարող են նպաստել տարածքների համաչափ զարգացման խնդիրները, սակայն միայն այսքանով չպետք է սահմանափակվենք: Այս տիպի ծրագրերը պետք է ուղեկցվեն տնտեսական վիճակի բարելավմանը՝ այդ բնակավայրերում աշխատատեղերի ստեղծմանը, սա բազմակի անգամ կարող է օգտակար կլինի»,-ասաց նա: Արծվիկ Մինասյանի համոզմամբ՝ արտաքին պարտքի բեռն այդքան էական չէ, եթե դու կարողանում ես միջոցներն ուղղել տնտեսության ճիշտ ուղղություններին և ստանալ մեծ արդյունքներ: «Սակայն, քանի որ, մեզ մոտ զարգացած չէ այս համակարգը, այդ թվում՝ պատշաճ վերահսկողության համակարգը, բնական է, որ թերությունները շատ-շատ են, և այդ տեսակետից մենք ունենք խնդիր՝ միջոցների արդյունավետության աճի ուղղությամբ: Բայց բեռի տեսակետից չպետք է սարսափել, եթե այդ արդյունավետության հարցը մենք լուծենք, եթե չենք լուծում, անշուշտ, բեռն ավելի է դժվարացնում մեր վիճակը»,-ասաց նա` հավելելով, որ եթե լուծվի արդյունավետության խնդիրը՝ բեռը երկրորդական կդառնա: Հարցին, թե չեք կարծո՞ւմ, որ արդյունավետությունը սուբյեկտներից է կախված՝ Արծվիկ Մինասյանը պատասխանեց. «Կա թե՛ սուբյեկտիվ, թե՛ օբյեկտիվ խնդիր: Լուծումը պետք է պատկերացնել, իմ կարծիքով, որ Ազգային ժողովն առավել ակտիվ ներգրավվի վարկային միջոցների օգտագործման հսկողության համակարգում,դրա համար, մասնավորապես, մենք նախատեսել ենք, որ օրենքով պետք է յուրաքանչյուր համաձայնագրի համար նաև նախատեսվի հսկողական համակարգ: Սա պահանջու է օրենքի ընդունում, և ես հույս ունեմ Սահմանադրական փոփոխությունների հիման վրա այդպիսի մի օրենք կընդունվի»,-ասաց նա: Մինասյանը շեշտեց, թե ի վերջո միջազգային փորձ կա: «Եթե անգամ այնքան պարտքեր ես վերցրել, որ չես կարողանում փակել, դա բերում է նաև որոշակի ոլորտների վերակառուցումների և հիմք է տալիս նոր բարեփոխումների համար, այդ տեսակետից ես կարծում եմ, որ առաջիկայում քննարկվելու է ոլորտային նոր խորքային ռեֆորմների հարցը, որտեղ կենտրոնական հարցը լինելու է արտաքին ռեսուսրներից զատ ներքին ռեսուրսների մոբիլիզացնելու հարցը»,-ասաց նա: ՀՅԴ պատգամավորը նշեց, թե ուզենք, թե չուզենք, պետք է մեր տնտեսության մեջ բացահայտենք մի նոր ուղղություն: «Դա պարտադրված պետք է բացահայտենք, և դրան նպաստել է նաև այն իրավիճակը, որը ստեղծվել է միջազգային զարգացման համատեքստում և թե երկրի տնտեսական ներքին վիճակը: Այդ տեսակետից նույն պարտք վերցրած և պատասխանատու գերատեսչությունները ուզեն, թե չուզեն պետք է տնտեսական աճի նոր աղբյուրների փնտրտուք իրականացնեն»,-եզրափակեց Արծվիկ Մինասյանը:

2016-02-09

 
ից մինչև
ԳԼԽԱՎՈՐ
Ազգ-բանակը ոչ թե ագրեսիվ ռազմականացման խնդիր է լուծում, այլ պաշտպանության...
Շնորհավոր Հիսուս Քրիստոսի հրաշափառ հարության տոնը:
Ռուստամյանը՝ Երևանի ավագանու ընտրություններին չմասնակցելու...
ՀՅԴ-ն և ՀՀԿ-ն կոալիցիոն բանակցությունների մեջ են. Արմեն Ռուստամյանը...
Այլ...