Ավտոտեխզննման ոլորտում կոռուպցիոն ռիսկերը մեծ են

Կառավարության հետ հարցուպատասխանի ընթացքում ՀՀ վարչապետ Տիգրան Սարգսյանին ուղղված իր հարցում ՀՅԴ խմբակցության պատգամավոր Արա Նռանյանն ասաց, որ մարտի 31-ին Կառավարությունը հաստատած` Հայաստանում ոչ ընդհանուր օգտագործման տրանսպորտային միջոցների պարտադիր տեխնիկական զննության անցկացման կարգը ոչ միայն չի բխում Կառավարության հռչակած քաղաքականությունից, այլ նաև հակասում է օրենքներին և Սահմանադրությանը: «Տրանսպորտային միջոցի տիրապետողը կտրոնը ստանում է բանկերին փաստաթուղթ ներկայացնելով և գումար վճարելով` առանց տեխնիկական զննություն անցնելու: Իսկ զննումն, ըստ էության, դառնում է ոչ պարտադիր»,- նշեց պատգամավորը: «Մենք արձանագրել ենք, որ տեխզննման ոլորտում կա կոռուպցիոն լրջագույն ռիսկ: Հակակոռուպցիոն պայքարի դեմ միջոցառումներն իրականացնելիս բացահայտեցինք, որ այս ոլորտում առկա են լրջագույն պրոբլեմներ՝ տեխզննման կայանների կողմից տալոնները տրվում են՝ առանց տեխզննում իրականացնելու, և այս հիվանդությունը համատարած բնույթ էր կրում»,- ի պատասխան հայտարարեց կառավարության ղեկավարը: Վարչապետի համոզմամբ` իրենք այսպիսով վերացրել են կոռուպցիոն ռիսկերն այս բնագավառում:

2011-04-13

 
ից մինչև
ԳԼԽԱՎՈՐ
Լիահույս եմ, որ մեր կառավարությունը բյուջեի վերաբերյալ 8 առաջարկներից...
ՀՀ-ԵՄ համաձայնագրի չիրացնելը նշանակում է կյանքի չկոչել Սահմանադրությունը....
ՍԾՏՀ ԽՎ-ում ռեալ դերակատարություն ունեն Թուրքիան, Ադրբեջանը....
Իրականում, սովորել ցանկացողի համար շատ ավելի լայն հնարավորություններ...
Այլ...