Դաշնակցությունը կողմ չի քվեարկի Հարկային նոր օրենսգրքին. խմբակցության ղեկավար

ՀՀ Ազգային ժողովի ՀՅԴ խմբակցության ղեկավար Արմեն Ռուստամյանը «Առաջին լրատվական»-ի հետ զրույցում տեղեկացրեց, որ իրենց խմբակցությունը չի կարող այս վիճակով կողմ լինել Հարկային օրենսգրքի նախագծին, և առաջին ընթերցմամբ քվեարկության ժամանակ իրենք քվեարկելու են «ձեռնպահ». ««Դեմ» չենք քվեարկելու, որովհետև մենք կառավարության մաս ենք և մեր առջև չպետք է միայն քննադատելու խնդիր դնենք: Ուստի մենք փորձում ենք կոնկրետ քայլերով հասնել այս նախագծի բարելավման, որպեսզի այն բավարարի մեր ձեռնարկատերերին և խթանի մեր տնտեսությունը»: Նրա խոսքով՝ այն նպատակը, որ դրվում է այս օրենսգրքով լուծելու, այդ նպատակին համապատասխան գործիքակազմ չկա, և կարող է ստացվել հակառակ արդյունքը. «Այս օրենսգրքով շատ հարցեր ոչ թե լուծվում են, այլ ավելի մեծ խնդիր են առաջացնելու: Նախ՝ հարկային բեռը ավելացվում է, հասնում ենք այնտեղ, որ դիվիդենդներն են արդեն հարկվում, այս նոր առաջարկությունների հիման բացվելու է դատական քաշքշուկների դաշտ: Ընդհանրապես տնտեսությունը խթանելու համար զուտ վարչարարական մեխանիզմներ աշխատեցնելը շատ սխալ է: Մենք պետք է ձևավորենք գնողունակ պահանջարկ»: Արմեն Ռուստամյանի խոսքով՝ այս նոր օրենսգրքով կարող են աճել գործազրկությունը, աղքատությունը. «Այսինքն՝ պետք է համալիր դիտարկել խնդիրը, և այս հապճեպությունը թույլ չի տալիս խորքային անդրադառնալ այս խնդիրներին: Մեզ անհրաժեշտ է մեծացնել ոչ թե հարկերը, այլ հարկատուների քանակը»: Ինչպես նկատեց ՀՅԴ խմբակցության ղեկավարը՝ այսպիսի լուրջ օրենքները պետք է անցնեն նախնական քննարկումների ճանապարհով:

2016-06-15

 
ից մինչև
ԳԼԽԱՎՈՐ
Շատերին պետք է, որ աղետալի լինի վիճակը երկրում. Արմեն Ռուստամյան
Քաղաքացին հաճախ պասիվ մասնակցություն ունի ՏԻՄ որոշումների կայացմանը....
Հայտնի է, թե ովքեր են խմբակցությունների ղեկավարները եւ քարտուղարները....
Մեզ ձեռնտու է մշտական հանձնաժողովների թիվը կրճատել, դարձնել...
Այլ...