ՀՅԴ-ն ապագա կառավարությունում պատրաստ է աշխատել ՀԱԿ-ի հետ (Դիտել տեսանյութը)

ԱԺ ՀՅԴ խմբակցության ղեկավար Արմեն Ռուստամյանն առաջին անգամ է լսում, որ Սերժ Սարգսյանը պատրաստվում է պաշտոնանկ անել Հովիկ Աբրահամյանին եւ փոխել կառավարության կազմը. «Չեմ կարծում, որ առանց մեր հետ խոսելու, այդ հարցը քննարկելու, այդպիսի բան կատարվի, որովհետեւ վարչապետի փոփոխություն նշանակում է կառավարության վերանայում: Դա այն գլխավոր հարցերից մեկն է, որ կոալիցիոն գործընկերները պետք է նախապես միմյանց տեղեկացնեն»: Արմեն Ռուստամյանը տեղյակ է, որ Կարեն Կարապետյանն արդեն հրաժարվել է մոսկովյան «Մեժռեգիոնգազի» փոխնախագահի պաշտոնից Հայաստանում վարչապետ նշանակվելու կապակցությամբ: Անձերի փոփոխությունը, սակայն, Արմեն Ռուստամյանի կարծիքով մեզ շատ բան չի խոստանում. «Խաղի կանոնները պետք է փոխվեն, պետք է խաղի կանոնները լինեն այնպես, որ ով էլ գա ղեկավարի երկիրը, իշխանության գլուխը լինի, նա այդ խաղի կանոններին համապատասխան կատարի էն քայլերը, որոնք ժողովրդի առջեւ կուտակված հարցերի լուծում են ակնկալում»: Սակայն ինչքանո՞վ է ճիշտ 2017-ի ընտրություններից 8 ամիս առաջ փոխել կառավարությունը: Դաշնակցական պատգամավորի կարծիքով կառավարման նոր համակարգին համապատասխան քայլերն արդեն այսօր են արվում. «Իսկապես ժողովրդի մոտ դժգոհություն կա, եւ արդարացված դժգոհություն կա եւ քայլեր են ակնկալում: Շատ շատերը կան, որոնք չեն համբերում ուղղակի սպասեն մինչեւ ասենք եկող տարվա գարնանը»: Պարոն Ռուստամյանի տեղեկություններով, օրակարգում դրված չէ նաեւ առաջիկայում ազգային համաձայնության կառավարություն ձեւավորելու հարցը: Ինքն, իհարկե, պատկերացնում է, թե ինչպիսին է լինելու այդ կառավարությունը՝ խորհրդարանում ներկայացված քաղաքական ուժերի մեծ մասն այդ կառավարությունում կունենա ներկայացուցիչ: Անձամբ Դաշնակցությունը խնդիր չունի ՀԱԿ-ի հետ աշխատել նույն կառավարությունում. «ՀԱԿ-ը եթե փոխում է իր տեսակետը, համարում է,, որ այս խորհրդարանական համակարգով երկիրը կարող է ավելի լավ ընթացք ունենալ: Իհարկե խնդիր չունենք մենք»: Դաշնակցությունը բարձր է գնահատում 4+4+4 ֆորմատով ՀԱԿ-ի գործունեությունն ընտրական օրենսգրքի փոփոխությունների շուրջ: Միասին կաշխատեն նաեւ կառավարության մեջ. «Խաղի կանոններն են, որ պետք է ադեկվատ դարձնենք ստեղծված իրավիճակին, որ ոլորտների պատասխանատուները, նախարարությունների պատասխանատուները լիարժեք, իրենք որոշեն, տնօրինեն քաղաքականությունն իրենց ոլորտներում»:

2016-09-07

 
ից մինչև
ԳԼԽԱՎՈՐ
Շատերին պետք է, որ աղետալի լինի վիճակը երկրում. Արմեն Ռուստամյան
Քաղաքացին հաճախ պասիվ մասնակցություն ունի ՏԻՄ որոշումների կայացմանը....
Հայտնի է, թե ովքեր են խմբակցությունների ղեկավարները եւ քարտուղարները....
Մեզ ձեռնտու է մշտական հանձնաժողովների թիվը կրճատել, դարձնել...
Այլ...