ՀՀԿ-ՀՅԴ կոալիցիոն խորհուրդն ակտիվ աշխատում է. հերթական նիստին մասնակցել է նաև Կարեն Կարապետյանը. Արմեն Ռուստամյան

Հայաստանի Հանրապետական և «Հայ Յեղափոխական Դաշնակցություն» կուսակցությունները օրերս քաղաքական համագործակցության շրջանակներում հանդիպում են անցկացրել, որին մասնակցել է նաև վարչապետ Կարեն Կարապետյանը: Tert.am-ի հետ զրույցում այս մասին ասաց ՀՅԴ խմբակցության ղեկավար Արմեն Ռուստամյանը՝ նշելով, որ ստեղծված «4+4+1» ձևաչափի խորհուրդը (ՀՅԴ-ՀՀԿ-Սերժ Սարգսյան) քննարկել է նոր կառավարության ծրագիրը: - ՀՀԿ-ն ու ՀՅԴ-ն քաղաքական համագործակցության արդյունքում որոշում ունեն պարբերաբար հանդիպելու: Կարեն Կարապետյանին վարչապետի պաշտոնում նշանակելուց հետո կամ դրանից առաջ հանդիպում եղե՞լ է: - Եղել է, նշանակումից առաջ էլ, հետո էլ հանդիպել ենք: - Նշանակումից հետո երբ հանդիպել եք, ի՞նչ եք քննարկել: - Դե ինչ պիտի քննարկենք՝ երկրի վիճակը… Քի՞չ բան կա քննարկելու: Քննարկել ենք ծրագիրը, համադրել ենք մոր մոտեցումների հետ, առաջիկա անելիքներն ենք ուրվագծել, խորքային հարցեր ենք քննարկել: - Մասնավորապես ո՞ր հարցերի շուրջ եք ձեր մոտեցումները ներկայացրել: - 90 տոկոսով, եթե ոչ ավելի, Կառավարության ծրագրում արտացոլված են իշխանությունների հետ մեր համագործակցության մոտեցումները, որոնք արձանագրվել են հուշագրում: Այն խնդիրները, որոնք մենք կարևորում ենք, վարչապետն ընդգրկել է իր ծրագրում: Մանրամասն քննարկել ենք երկրում ստեղծված իրավիճակը, արտաքին ու ներքին խնդիրները, համադրել ենք մեր մոտեցումների հետ ու ընդհանուր հայտարարի եկել: - Վարչապետը մասնակցե՞լ է կոալիցիոն գործընկերների հանդիպմանը: - Այո, իհարկե: - Պարո՛ն Ռուստամյան, «4+4+1» ձևաչափի խորհուրդը (ՀՅԴ-ՀՀԿ-Սերժ Սարգսյան) հանդիպումներ է անցկացնում առանց պարբերականության ու փակ ռեժիմով, գաղտնի, ինչը ստիպում է շատերին թերահավատ մոտենալ այս ֆորմատի նկատմամբ: - Երկու կողմերը եթե գոհ են այս ֆորմատից, թերահավատներն ովքե՞ր են: Ինչի՞ են թերահավատ: Մենք բավարարված ենք այս ձևաչափով, դրանք օգտակար են: Անընդհատ աշխատանքային կարգով հանդիպումների մեջ ենք, բազմաթիվ հարցեր են լինում, որոնք համաձայնեցնելու կարիք ունեն ու առանց հանդիպումների չի լինի: Եվ անընդհատ հայտարարել, որ այ մենք սա ենք անում, նա ենք անում, երեկ հանդիպեցինք, վաղը հանդիպելու ենք՝ անհրաժեշտ չէ, դրա կարիքը չկա: Չկա մի հարց, որը կարևոր նշանակություն ունենա, մենք չքննարկենք: - Նախագահ Սերժ Սարգսյանի մասնակցությունն այս խորհրդում ինչո՞վ է այս դեպքում կարևոր: - Մենք խնդրել ենք, որ Սերժ Սարգսյանը նախագահի մեր կոալիցիոն նիստերը: Աշխատում ենք, այս ձևաչափի միջոցով համակարգում հարցեր, համադրում ենք մեր տեսակետները, քննարկումներ անցկացնում, համաձայնում… - Համագործակցության հուշագրում ներառված խնդիրներից որևէ մեկը լուծվե՞լ է: - ՀՀԿ-ի հետ մեր համագործակցության ուղղությունները, որոնք ամրագրված են կոալիցիոն հուշագրում, մենք վերածել ենք գործողությունների ծրագրի: Դրա հետ կապված նախնական մեծ աշխատանք արդեն իսկ կատարել էինք: Բայց, երբ առաջացավ նոր կառավարության ծրագիրը գրելու անհրաժեշտություն, մենք մեր կատարած ողջ աշխատանքը օգտագործեցինք այդտեղ, այդ ամենը արտացոլված է կառավարության ծրագրում: Ուստի անհրաժեշտություն չկար առանձին գործողությունների ծրագիր անցկացնել:

2016-10-27

 
ից մինչև
ԳԼԽԱՎՈՐ
Ընտանեկան բռնությունների կանխարգելման նախագծում շտկումների...
Դա մեծ հարված էր Հայաստանին, երկար ժամանակ պահանջվեց, որպեսզի...
Մենք ձեռք ենք բերում մի գործընկեր, եւ 2022 թ. ունենալու ենք լիովին...
Եթե դիմացինդ անբանակցելի է, դու չպետք է միջազգային հանրությանը...
Այլ...