Ռուստամյան՝ ՀՅԴ-ն ընտրություններին ընդառաջ ընտրակաշառք չի բաժանելու

Ազգային ժողովի ՀՅԴ խմբակցության ղեկավար Արմեն Ռուստամյանը վստահեցնում է, որ ՀՅԴ-ն ընտրություններին ընդառաջ ընտրակաշառք չի բաժանելու և մինչ այս էլ չի բաժանել: Ազգային ժողովում լրագրողների հետ զրույցում Արմեն Ռուստամյանն ընդգծեց, որ ՀՅԴ-ն կայուն ընտրազանգված ունի, ուստի անհնար է, որ նման քաղաքական ուժը սկսի ընտրակաշառք բաժանել: «Հնարավոր չէ, որ կայուն ընտրազանգված ունեցող քաղաքական ուժը ընտրակաշառք բաժանի: Այդ դեպքում այն մարդիկ, ովքեր մեզ միշտ ձայն են տվել առանց ընտրակաշառքի, մեզանից չե՞ն նեղանա, չե՞ն հիասթափվի»,- ասաց Ռուստամյանը: Նա հավելեց, որ ՀՀԿ-ն էլ որոշակի ընտրազանգված ունի, քանի որ երկար տարիներ իշխանության ղեկին եղած քաղաքական ուժը չի կարող ընտրազանգված չունենալ, սակայն վստահություն հայտնեց, որ դա բավարար չէ ընտրությունների արդյունքներով բացարձակ մեծամասնություն կազմելու համար: Ռուստամյանի խոսքով՝ սահմանադրական բարեփոխումների նպատակը հենց նման համակարգ ձևավորելն էր, որպեսզի որևէ քաղաքական ուժ չկարողանա միայնակ մեծամասնություն կազմել: Արմեն Ռուստամյանը խորհուրդ տվեց լուրջ չընդունել ԱՀ պաշտպանության բանակի նախկին հրամանատար Սամվել Բաբայանի հայտարարությունը, թե «Օհանյան-Րաֆֆի-Օսկանյան» դաշինքից բացի մնացած բոլոր քաղաքական ուժերը իշխանությունների հետ խորհրդարանում տեղ ունենալու տոկոսներ են պայմանավորվել:

2017-02-27

 
ից մինչև
ԳԼԽԱՎՈՐ
Ընտանեկան բռնությունների կանխարգելման նախագծում շտկումների...
Դա մեծ հարված էր Հայաստանին, երկար ժամանակ պահանջվեց, որպեսզի...
Մենք ձեռք ենք բերում մի գործընկեր, եւ 2022 թ. ունենալու ենք լիովին...
Եթե դիմացինդ անբանակցելի է, դու չպետք է միջազգային հանրությանը...
Այլ...