Աղվան Վարդանյան․ «Ո՞ր կուսակցությունն է, որ մի անձի կուսակցություն չէ»

ՀՅԴ-ի քարոզարշավի հերթական հանգրվանն այսօր Տավուշի մարզն էր: Հայ Յեղափոխական Դաշնակցության քարոզիչներն այսօր Տավուշի մարզում էին։ Տարածքային կառավարման դաշնակցական նախարար Դավիթ Լոքյանի և Ազգային ժողովի ՀՅԴ խմբակցության քարտուղար Աղվան Վարդանյանի գլխավորությամբ նրանք շրջեցին մի քանի գյուղով, ապա կանգ առան Գանձաքարում։ Այս գյուղն, ի դեպ, դաշնակցական գյուղապետ ունի։ Աղվան Վարդանյանը գանձաքարցիներին կոչ արեց նախապատվությունը տալ Դաշնակցությանը՝ նշելով, որ իրենց կուսակցությունն առավելություններ ունի մյուսների նկատմամբ: «Ո՞ր կուսակցությունն է, որ մի անձի կուսակցություն չէ։ Այդ առաջնորդները, որ մի բան ասում են, մյուսներն իր ետևից թութակի պես կրկնում են։ Այդ մարդը հենց չեղավ, այդ կուսակցությունից ոչ մի բան չի մնալու։ Մյուսներն իրարից ձայն են խլում, իրար վրա «մուտիլովկեք են» անում, նույն կուսակցության անդամները»,- իր խոսքում նշեց Աղվան Վարդանյանը: Դավիթ Լոքյանն էլ խոստացավ, որ կառավարության կազմում իրենք ամեն կերպ նպաստելու են երկրի տնտեսության զարգացմանը։ Տարածքային կառավարման նախարարը նաև հայտարարեց, թե ինքն անձամբ Գանձաքարի դաշնակցական գյուղապետի հետ առաջին տնտեսական ծրագիրը կսկսի գյուղում։

2017-03-23

 
ից մինչև
ԳԼԽԱՎՈՐ
Լիահույս եմ, որ մեր կառավարությունը բյուջեի վերաբերյալ 8 առաջարկներից...
ՀՀ-ԵՄ համաձայնագրի չիրացնելը նշանակում է կյանքի չկոչել Սահմանադրությունը....
ՍԾՏՀ ԽՎ-ում ռեալ դերակատարություն ունեն Թուրքիան, Ադրբեջանը....
Իրականում, սովորել ցանկացողի համար շատ ավելի լայն հնարավորություններ...
Այլ...