Երկու-երեք օրից ՀՀԿ-ՀՅԴ կոալիցիոն նոր հուշագիրը կստորագրվի. Աղվան Վարդանյան

Հայտնել ենք, որ այսօր ՀՀ կառավարության ընդունելությունների տանը տեղի ունեցավ նորընտիր խորհրդարանի պատգամավորների մանդատների հանձնման արարողությունը: ՀՅԴ խմբակցության ներկայացուցիչ Աղվան Վարդանյանը լրագրողների հետ զրույցում ասաց, որ ՀՀԿ-ՀՅԴ նոր կոալիցիոն հուշագրում ներառված չեն նախարարական պորտֆելների քանակին վերաբերող հարցեր: «Կոալիցիոն հուշագրում նման հարցեր արձանագրված չեն, այն վերահաստատում է մեր նախկին համաձայնագրի դրույթների պատասխանատվությունը և շարադրում է այսօրվա անելիքները: Երկու-երեք օրից, Շուշիի ազատագրման տոնակատարությունից հետո հուշագիրը կստորագրվի, կհրապարակվի»,- ասաց Վարդանյանը, ապա հորդորեց մի քանի օր համբերել և բոլոր հարցերի պատասխանները պարզ կլինեն: Հարցին, թե ճի՞շտ է, որ վարչապետը տարաձայնություններ ունի ՀՅԴ-ականների հետ, Վարդանյանը պատասխանեց, թե այդ տեղեկությունները բացարձակ հիմնազուրկ են: Իսկ այն դիտարկմանը, թե ըստ մամուլի հրապարակումների, վարչապետ Կարապետյանը ՀՅԴ-ից երիտասարդ կադրեր է ուզել, Վարդանյանն այսպես արձագանքեց. «Մենք կոալիցիոն հուշագիր ենք ստորագրելու, որտեղ քննարկելու ենք մեր անելիքները, բնականաբար Դաշնակցությունը պահելու է իր ինքուրույնությունը, երբ որ կքննարկվի և նման հարց առաջ քաշվի, մենք ենք որոշելու մեր մասնակցության աստիճանը, ձևը, ձևաչափը»:

2017-05-05

 
ից մինչև
ԳԼԽԱՎՈՐ
Ընտանեկան բռնությունների կանխարգելման նախագծում շտկումների...
Դա մեծ հարված էր Հայաստանին, երկար ժամանակ պահանջվեց, որպեսզի...
Մենք ձեռք ենք բերում մի գործընկեր, եւ 2022 թ. ունենալու ենք լիովին...
Եթե դիմացինդ անբանակցելի է, դու չպետք է միջազգային հանրությանը...
Այլ...