Քաղաքացին հաճախ պասիվ մասնակցություն ունի ՏԻՄ որոշումների կայացմանը. Արմենուհի Կյուրեղյան.

Այսօր ԱԺ նիստի օրակարգում ԱԺ մշտական հանձնաժողովների նախագահների ընտրության հարցն էր: Ելույթ ունեցավ տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի նախագահի թեկնածու` «Ծառուկյան» դաշինքից Վարդևան Գրիգորյանը: ՀՅԴ խմբակցության պատգամավոր Արմենուհի Կյուրեղյանը հարց ուղղեց նրան: «Գաղտնիք չէ, որ տեղական ինքնակառավարումը ենթադրում է անմիջական մասնակցություն որոշումների կայացման գործընթացին, բայց իրականում քաղաքացին հաճախ պասիվ մասնակցություն ունի այդ որոշումների կայացմանը: Մենք արդեն վավերացրել ենք տեղական ինքնակառավարման եվրոպական խարտիան, որը կարևորում է մասնակցային ժողովրդավարությունը: Դուք զգո՞ւմ եք կարիքը, որ այնպիսի մեխանիզմներ ներդրվեն, որպեսզի բնակիչը ավելի շատ մասնակցություն ունենա որոշումների կայացմանը»,- հարցրեց նա: Վարդևան Գրիգորյանը նշեց, որ հասարակությունը պետք է ընտրի ավագանու այնպիսի անդամներ, որ կարողանա նրանց միջոցով իր ձայնը լսելի դարձնել: Նա նշեց, որ կողմ է, որպեսզի Հայաստանում ներդրվեն տեղական ինքնակառավարման եվրոպական մեխանիզմները և փորձը:

2017-05-20

 
ից մինչև
ԳԼԽԱՎՈՐ
Կողմ ենք ցանկացած համամասնական համակարգի. Արմեն Ռուստամյան
Արդար չի. Արմեն Ռուստամյանը՝ տարածքային ընտրակարգի մասին (Տեսանյութ)...
ՀՀ ԱԺ ՀՅԴ խմբակցության քարտուղար Արմենուհի Կյուրեղյանի անդրադարձը...
Մարտի 1-ի ժամանակ արտակարգ դրության անհրաժեշտություն տեսել ենք....
Այլ...