Ավելի հավակնոտ, թիրախավորված ծրագիր է. Աղվան Վարդանյանը՝ կառավարության ծրագրի մասին. Մանրամասները տեսանյութում

Մենք արդեն կառավարության ծրագրի աշխատանքային տարբերակին տեղյակ ենք, մեզ հետ արդեն քննարկումներ են եղել: Վստահաբար կարող ենք ասել, որ համապարփակ և շատ մանրակրկիտ կազմված, հստակ ժամանակացույցով ծրագիր է: Այս մասին ԱԺ-ում լրագրողների հետ զրույցում ասաց ԱԺ «Դաշնակցություն» խմբակցության քարտուղար Աղվան Վարդանյանը: «Սա հավակնոտ, լուրջ առաջադրանքներ պարունակող ծրագիր է, թե տարի առ տարի որ ոլորտում ինչ պետք է կատարվի: Սա ենթադրում է նաև հստակ պատասխանատվություն»,-շեշտեց նա: Ըստ խմբակցության քարտուղարի՝ շատ հանգիստ յուրաքանչյուրը կարող է հասկանալ, թե 5 տարվա զարգացման ծրագրով ինչ աշխատանքներ են տարվել որ փուլում: Ըստ նրա՝ այսպիսի հստակ թիրախներով հասցեական ծրագիր նախկինում չի եղել: Անդրադառնալով դիտարկմանը, թե կարևոր չէ՞, թե 2018 –ին ով է ծրագիրը շարունակելու իրականացնել, եթե հստակ չգիտեն, թե մեծամասնությունից ով է վարչապետը լինելու, Աղվան Վարդանյանն ասաց. «Մի սևեռվեք մի հարցի վրա, որն այսօր գոյություն չունի: Ես ձեզ վստահեցնում եմ, որ այն խնդիրները, որոնք ձևակերպված են ծրագրում, մեր երկրում պիտի իրականացվեն, էական չէ, թե ով է իրականացնելու, կարևորը խնդիրներն են, մենք երբևէ անձերից խոսե՞լ ենք: Եթե խնդիրը ճիշտ ես ձևակերպում, լուծումներ կգտնվեն»,-ընդգծեց նա: Աղվան Վարդանյանն անդրադարձավ նաև դաշնակցական նախարարների և վարչապետի միջև լարված հարաբերությունների մասին խոսակցություններին՝ասելով, որ լարվածություն բացարձակ չկա:

2017-06-15

 
ից մինչև
ԳԼԽԱՎՈՐ
Ընտանեկան բռնությունների կանխարգելման նախագծում շտկումների...
Դա մեծ հարված էր Հայաստանին, երկար ժամանակ պահանջվեց, որպեսզի...
Մենք ձեռք ենք բերում մի գործընկեր, եւ 2022 թ. ունենալու ենք լիովին...
Եթե դիմացինդ անբանակցելի է, դու չպետք է միջազգային հանրությանը...
Այլ...