Հայաստան-Ֆրանսիա բարեկամական խմբի ղեկավար Արմեն Ռուստամյանն ընդունել է Ֆրանսիա-Հայաստան բարեկամական խմբի ղեկավարի գլխավորած պատվիրակությանը

Սեպտեմբերի 11-ին ՀՀ ԱԺ Հայաստան-Ֆրանսիա բարեկամական խմբի ղեկավար Արմեն Ռուստամյանը, անդամներ Հովիկ Աղազարյանը, Մարգարիտ Եսայանը, Կարինե Աճեմյանը, Շիրակ Թորոսյանը, Արմենուհի Կյուրեղյանը, Նորա Առուստամյանը հանդիպել են Ֆրանսիայի Հանրապետության Սենատի Ֆրանսիա-Հայաստան բարեկամության խմբի պատվիրակության հետ: Ողջունելով հյուրերին՝ Արմեն Ռուստամյանը նշել է, որ հայ-ֆրանսիական կապերը գնում են դեպի երկու ժողովուրդների պատմության խորքերը: Կարեւորելով բարեկամական խմբերի սերտ համագործակցությունը՝ խմբի ղեկավարը նշել է, որ Հայաստանի օրենսդիր մարմնում խումբն ամենամեծն է: Անդրադառնալով ներհայաստանյան իրադարձություններին՝ Արմեն Ռուստամյանը նշել է, որ նոր ուժերը հանձն են առել շարունակելու նախկին իշխանությունների որդեգրած արտաքին քաղաքականությունը: Ըստ նրա՝ սոցիալ-տնտեսական ոլորտում դեռեւս կան չլուծված խնդիրներ: ԱԺ Հայաստան-Ֆրանսիա բարեկամական խմբի անդամներն իրենց ելույթներում կարեւորել են բարեկամ Ֆրանսիայի հետ հարաբերությունների խորացումը, անդրադարձել Հայաստանում տեղի ունեցած ներքաղաքական զարգացումներին, առաջիկայում «Ապրել միասին» խորագրի ներքո Երեւանում տեղի ունենալիք Ֆրանկոֆոնիայի միջազգային կազմակերպության 17-րդ գագաթաժողովի անցկացմանը, երկկողմ նոր ծրագրերի իրականացմանը: Ֆրանսիա-Հայաստան բարեկամության խմբի ղեկավար Ժիլբեր-Լյուկ Դըվինան նշել է, որ Ֆրանսիայի հայ համայնքը ակտիվորեն ներգրավված է երկրի ներքաղաքական կյանքում: Նա կարեւորել է միջխորհրդարանական կապերի ակտիվացումը եւ Ֆրանսիայում հայ պատգամավորների հետ հանդիպելու հույս է հայտնել:

2018-09-11

 
ից մինչև
ԳԼԽԱՎՈՐ
Պետք է ընդդիմություն ու իշխանություն լինել հօգուտ պետության
Արտաքին քաղաքականությունը շատ նուրբ արվեստ է, այդտեղ ամեն մի...
Եթե ՀԱՊԿ-ում խնդիրներ առաջանան, առաջին օգտվողը լինելու է Ադրբեջանը....
90-91 թվականներին շատ լավ ընտրություններ ենք ունեցել, բայց դրանից...
Այլ...