Տեղի ունեցավ ԵԽ հերթական նիստը

Նոյեմբերի 8-ին տեղի ունեցավ Հայաստանի Երիտասարդական խորհրդարանի հերթական նիստը եւ երիտասարդ պատգամավորները հասցրեցին քննարկել միայն երկու օրինագիծ: «Կրթության մասին» ՀՀ օրենքում փոփոխություններ եւ լրացումներ կատարելու մասինե օրինագիծը, որի նպատակը ունի աջակցել պետական բուհերում սովորող սոցիալապես անապահով կամ շնորհաշատ ուսանողներին: ԵԽ ՀՅԴ խմբակցությանն այս օրինագծի գաղափարը դուր էր եկել, սակայն խմբակցության պատգամավորները նշեցին, որ այստեղ դեռեւս բազմաթիվ թերություններ կան, որոնք շտկման կարիք ունեն: Խմբակցությունը առաջարկեց հեղինակներին փոփոխություններ մտցնել օրինագծում, որոնք չընդունվեցին, այդ իսկ պատճառով ՀՅԴ-ն դեմ քվեարկեց օրինագծին, սակայն այն ընդունվեց: Երիտասարդական խորհրդարանի պատգամավորները քննարկեցին նաեւ ՀՀ աշխատանքային օրենսգրքում փոփոխություններ եւ լրացումներ կատարելու մասին» օրենքի նախագիծը, որով առաջարկվում է որոշակի լրացուցիչ սոցիալ-աշխատանքային երաշխիքներ սահմանել լեռնային եւ բարձր լեռնային բնակավայրերում աշխատողների համար: ՀՅԴ խմբակցության պատգամավորները նկատեցին, որ օրինագիծը գրեթե նույնությամբ կրկնում է ԱԺ պատգամավոր Ռուզան Առաքելյանի հեղինակած օրինագծին: Այլ հարցեր երիտասարդական խորհրդարանը քննարկել չկարողացավ: Երիտասարդ պատգամավորների կեսից ավելին` հիմնականում իշխող կուսակցությունից, հերթական ընդմիջումից հետո անվերադարձ լքել էին խորհրդարանի դահլիճը` ըստ էության տապալելով ԵԽ-ի աշխատանքները։ Քվորումի բացակայության պատճառով, օրինագիծը, որին բոլոր խմբակցությունները կողմ էին արտահայտվել, չընդունվեց, իսկ նիստը չշարունակվեց:

2011-11-09

 
ից մինչև
ԳԼԽԱՎՈՐ
Ընտանեկան բռնությունների կանխարգելման նախագծում շտկումների...
Դա մեծ հարված էր Հայաստանին, երկար ժամանակ պահանջվեց, որպեսզի...
Մենք ձեռք ենք բերում մի գործընկեր, եւ 2022 թ. ունենալու ենք լիովին...
Եթե դիմացինդ անբանակցելի է, դու չպետք է միջազգային հանրությանը...
Այլ...