Երիտասարդական խորհրդարանի պատգամավորները շնորհավորեցին ՀՅԴ 121-ամյակը

Աշխարհի տարբեր ծայրերում գտնվող դաշնակցականներն այս օրերին նշեցին Հայ Յեղափոխական Դաշնակցության հիմնադրման 121 ամյակը: Նման միջոցառումներից անմասն չմնաց նաեւ Երիտասարդական խորհրդարանի ՀՅԴ խմբակցությունը: Խմբակցության պատգամավորների հրավերով ՀՅԴ «Արամ Մանուկյան» երիտասարդական կենտրոնում էին հավաքվել Երիտասարդական խորհրդարանի տարբեր խումբ-խմբակցությունների, ինչպես նաեւ անկախ պատգամավորները: ԵԽ ՀՅԴ խմբակցության ղեկավար Վահան Վարդանյանը ողջունեց հյուրերին: «Ես չեմ ուզում ներկայացնել Դաշնակցության 121-ամյա պատմությունը եւ խոսել այն մասին, թե ինչ է արել ՀՅԴ-ն եւ ինչ ավանդ ունի թե հայապահպանության հարցում, թե Հայ Դատի գրասենյակների կատարած աշխատանքի մասին: Հաճախ այդ ամենով ուրախանում ենք ոչ միայն մենք` որպես Դաշնակցականներ, այլ ուրախանում է ողջ հայությունը: Այսինքն կուսակցության ունեցած հաջողությունները ոչ միայն մերն են, այլ ամբողջ հայությանը»,- ասաց նա: Խոսելով դաշնակցական երիտասարդության անունից` Վահան Վարդանյանը ասաց, որ երիտասարդները պատրաստ են նույն կամքով եւ վճռականությամբ պայքարել` ավագ ընկերների կիսատ թողած գործն ավարտի հասցնելու համար: Ելույթներ ունեցան եւ ՀՅԴ-ին շնորհավորեցին նաեւ ԵԽ ԲՀԿ խմբակցության ղեկավար Նարեկ Վանեսյանը, ԵՊՀ Ուսխորհրդի նախագահ Ցոլակ Ակոպյանը, «Համագործակցություն» պատգամավորական խմբի ղեկավար Հայկ Կոնջոյանը, Տիգրան Նաղդալյանը եւ այլ պատգամավորներ:

2012-01-06

 
ից մինչև
ԳԼԽԱՎՈՐ
Ազգ-բանակը ոչ թե ագրեսիվ ռազմականացման խնդիր է լուծում, այլ պաշտպանության...
Շնորհավոր Հիսուս Քրիստոսի հրաշափառ հարության տոնը:
Ռուստամյանը՝ Երևանի ավագանու ընտրություններին չմասնակցելու...
ՀՅԴ-ն և ՀՀԿ-ն կոալիցիոն բանակցությունների մեջ են. Արմեն Ռուստամյանը...
Այլ...