«Կուտակային կենսաթոշակների մասին»» օրենքը ճանաչել ուժը կորցրած. Քննարկում Երիտասարդական Խորհրդարանում

Սույն թվականի մարտի 14-ին տեղի ունեցավ երիտասարդական խորհրդարանի հերթական լիագումար նիստը: Օրակարգի հաստատումից հետո,քվեարկության դրվեցին նախորդ նիստին քննարկված հարցեր, որոնց ՀՅԴ խմբակցությունը քվեարկեց ձեռնպահ՝ նախորդ նիստին բոյկոտելու և քննարկումներին ներկա չլինելու հիմնավորմամբ: Լիագումար նիստի օրակարգում ներառված էր ընդամենը մեկ օրենքի նախագիծ՝ <<Կուտակային կենսաթոշակների մասին>> Հայաստանի Հանրապետության օրենքում փոփոխություններ կատարելու մասին, որը նախաձեռնել էին ՀՅԴ, ԲՀԿ, ՀԱԿ և <<Ժառանգություն>> խմբակցությունները: Որպես հիմնական զեկուցող հանդես եկավ օրինագծի համահեղինակ ԲՀԿ խմբակցության ղեկավար Մակար Եղիազարյանը: Հիմնական զեկուցողը ներկայացրեց օրինագիծը, որից հետո տեղի ունեցավ հարց ու պատասխան և մտքերի փոխանակում օրինագծի վերաբերյալ: Մտքերի փոխանակման ժամանակ ելույթ ունեցան ՀՅԴ խմբակցության անդամներ Ազատուհի Սիմոնյանը և Շողեր Բաղդասարյանը: Խմբակցության նախագահ Ազատուհի Սիմոնյանը նշեց.<<ՀՀԿ նախագահը,ով հանդիսանում է նաև հանրապետության նախագահ, իր ելույթում նշեց, որ ժողովրդի 80%-ը դեմ է <<Կուտակային կենսաթոշակի մասին>> օրինագծին, և միայն 20%ն է կողմ, ուրեմն ինչու մենք այս դեպքում որպես մեծամասնություն պետք է ենթարկվենք այն 20 տոկոսանոց փոքրամասնությանը>>: Քննարկումների ժամանակ անընդհատ հնչում էր այն միտքը թե այս քննարկումը տեղափոխվել է հուզական և սուբյեկտիվ դաշտ, ինչին ի պատասխան Ա. Սիմոնյանը իր ելույոթում նշեց. << Սիրելի գործընկերներ, առնվազն դուք մի խոսեք հուզականությունից և սուբյեկտիվիզմից, քանի որ պարտադիր կուտակայինի մաիսն ամենահուզական ելույթն ու սուբյեկտիվ գնահատակնները տվել է ՀՀ նախագահը, ով նաև ՀՀԿ նախագահն է, ով նաև փոաստեց, որ այս հարցը ինչու չէ նաև ունի հուզական կողմ>>: Շողեր Բաղդասարյանը իր ելույթում նշեց, որ անկախ Սահմանադրական դատարանում դեռևս ընթացող գործընթացներից երիտասարդական խորհրդարանը որպես երիտասարդական հարթակ պարտավոր է իր դիրքորոշումը և կարծիքը հայտնել հասարակությանը՝ մասնավորապես երիտասարդներին, այսքան հուզող հարցի շուրջ: Ինչպես նաև մտավախություն հայտնեց, որ քաղաքական և տնտեսական փոփոխությունների դեպքում տարիներ հետո, <<Պարտադիր կուտակային կենսաթոշակի մասին>> օրինագծի գործելու դեպքում, հնարավոր է լինել անխուսափելի դրամական կորուստներ: Օրինագծի քննարկումը ընդհատվեց հայտարարաությունների ժամով: Օրինագիծը կշարունակվի քննարկվել և կդրվի քվեարկության Երիտխորհրդարանի առաջիկա լիագումար նիստին:

2014-03-16

 
ից մինչև
ԳԼԽԱՎՈՐ
Ինչու հենց այս փուլում աշխատանքից ազատվեց Արագածոտնի մարզպետը.
Ճիշտ կլինի՝ արտաբյուջետային գումարները ծախսվեն Սևանա լճի խնդիրների...
Կատաստրոֆա չէ. Աղվան Վարդանյան
Մինչև երբ պետք է շարունակվի նման հարցադրումներով հանդես գալու...
Այլ...