Ծնվել է 1960թ. մարտի 1-ին Արարատի մարզի (նախկինում՝ Արարատի շրջան) Զանգակատուն գյուղում: 1983-1984թթ. ծառայել է խորհրդային բանակում: 1983թ. ավարտել է Մոսկվայի Պ. Լումումբայի անվան ժողովուրդների բարեկամության համալսարանի ֆիզիկամաթեմատիկական եւ բնական գիտությունների ֆակուլտետը: Ֆիզիկոս: 1984-1991թթ. եղել է ԵՊՀ գիտաշխատող, 1991-1993թթ.՝ հայ-ֆրանսիական ՀՁ գլխավոր մասնագետ, 1993-1994թթ.՝ Ֆրանսիայի Օրսե քաղաքի Տեսական եւ կիրառական օպտիկայի ինստիտուտի գիտաշխատող: 1990-1995թթ.` Երեւանի քաղաքային եւ Մյասնիկյանի շրջանային խորհուրդների պատգամավոր: 1995-1998թթ. բանտարկվել է քաղաքական դրդապատճառներով (հետագայում չհաստատված մեղադրանքներով): 1999-2003թթ.` ԱԺ պատգամավոր (համամասնական ընտրակարգ, ՀՅԴ): ԱԺ արտաքին հարաբերությունների մշտական հանձնաժողովի նախագահի տեղակալ: «Հայ Հեղափոխական Դաշնակցություն»խմբակցության անդամ: ՀՅԴ կուսակցության անդամ: 2003-2007թթ.՝ ԱԺ պատգամավոր (համամասնական ընտրակարգ, ՀՅԴ): ԱԺ արտաքին հարաբերությունների մշտական հանձնաժողովի նախագահ: «Հայ Յեղափոխական Դաշնակցություն» խմբակցության անդամ: ՀՅԴ Հայաստանի ԳՄ ներկայացուցիչ: 2007-2012թթ.` ԱԺ պատգամավոր (համամասնական ընտրակարգ, ՀՅԴ): ԱԺ արտաքին հարաբերությունների մշտական հանձնաժողովի նախագահ: «Հայ Յեղափոխական Դաշնակցություն»խմբակցության անդամ: ՀՅԴ Հայաստանի ԳՄ ներկայացուցիչ: 2012-2017թթ.՝ ԱԺ պատգամավոր (համամասնական ընտրակարգ, ՀՅԴ): ԱԺ արտաքին հարաբերությունների, ԱԺ եվրոպական ինտեգրման հարցերի մշտական հանձնաժողովների անդամ: «Հայ Յեղափոխական Դաշնակցություն»խմբակցության ղեկավար: 2015 թվականից՝ ՀՅԴ բյուրոյի քաղաքական ներկայացուցիչ: 2017թ. ապրիլի 2-ին ԱԺ պատգամավոր է ընտրվել ՀՅԴ համապետական ընտրական ցուցակով: Պարգեւատրվել է ՀՀ վարչապետի հուշամեդալով (2006թ.), «Մխիթար Գոշ»մեդալով (2016թ.): Ամուսնալուծված է, ունի երկու զավակ:

Ծնվել է 1963թ. օգոստոսի 26-ին Վանաձորում: 1984թ. ավարտել է Երեւանի պետական համալսարանի կիրառական մաթեմատիկայի ֆակուլտետը: Մաթեմատիկոս: 1988թ.՝ ՀՀ ԳԱԱ հաշվողական կենտրոնի ասպիրանտուրան: Ֆիզիկամաթեմատիկական գիտությունների թեկնածու, դոցենտ: 1988-1992թթ. եղել է ՀՀ ԳԱԱ հաշվողական կենտրոնի գիտաշխատող, 1992 թվականից՝ Վանաձորի պետական մանկավարժական ինստիտուտի (այժմ՝ Վանաձորի պետական համալսարան) ինֆորմատիկայի ու տնտեսագիտամաթեմատիկական մեթոդների ու մոդելավորման ամբիոնի դոցենտ: 1993-2000թթ.՝ ՀՀ սոցիալական ապահովության պետական ծառայության Վանաձորի տարածքային բաժնի նպաստների բաժնի վարիչ: 2016-2017թթ.՝ Վանաձորի ավագանու անդամ: 1997 թվականից՝ Համալսարանական կրթությամբ կանանց ասոցիացիայի Վանաձորի մասնաճյուղի քարտուղար, ապա՝ փոխնախագահ, նախագահ: 2004թ.՝ ասոցիացիային կից Կանանց լիդերության բարձրագույն դպրոցի, 2005թ.՝ Քաղաքացիական նախաձեռնությունների Լոռու մարզային կենտրոնների ղեկավար: 2006 թվականից ՀՅԴ կուսակցության անդամ է: 2017թ. ապրիլի 2-ին ԱԺ պատգամավոր է ընտրվել ՀՅԴ համապետական ընտրական ցուցակով: Պարգեւատրվել է ԱԺ պատվոգրով (2017թ.): Երկու ուսումնական ձեռնարկի, մասնագիտական 30 հոդվածի հեղինակ է: Ամուսնացած է, ունի երեք զավակ:

Ծնվել է 1963թ. մայիսի 23-ին Վրաստանի Հանրապետության Ախալքալաքի շրջանի Սուլդա գյուղում: 1986թ. ավարտել է Երեւանի պետական համալսարանի պատմության ֆակուլտետը: Պատմաբան, պատմության եւ հասարակագիտության ուսուցիչ: Պահեստազորի փոխգնդապետ: 1980-1981թթ. «Երազ» գործարանում աշխատել է բանվոր: 1986-1989թթ. եղել է Հայաստանի ազգագրության պետական թանգարանի գիտաշխատող: 1993-1997թթ.` «Ազգային հարցի եւ գենոցիդի ուսումնասիրման կենտրոն» հասարակական կազմակերպության գործադիր տնօրեն: 1997-2001թթ.` «Հայոց աշխարհ» օրաթերթի լրագրող եւ փոխխմբագիր: 2001-2006թթ.` «Նորավանք» գիտակրթական հիմնադրամի փոխտնօրեն: 2004-2006թթ.` «Երկիր» թերթի գլխավոր խմբագիր: 2007թ. հունիս-դեկտեմբեր` «Հայ փորձագետների «Երեւան» կենտրոնի» տնօրեն: 2008թ. հունվար-մայիս` «Երկիր» թերթի խմբագիր: 2008-2009թթ.` ՀՀ կրթության եւ գիտության նախարար: 1989 թվականից ՀՅԴ կուսակցության անդամ է: 2006-2007թթ.` ԱԺ պատգամավոր (համամասնական ընտրակարգ, ՀՅԴ): ԱԺ պաշտպանության, ազգային անվտանգության եւ ներքին գործերի մշտական հանձնաժողովի անդամ: ՀՅԴ խմբակցության անդամ: 2018 թվականի մայիսի 24-ին ԱԺ պատգամավոր է ընտրվել ՀՅԴ համապետական ընտրական ցուցակով: Ամուսնացած է, ունի երկու զավակ:

Ծնվել է 1961թ. մարտի 20-ին Շիրակի մարզի Սարատակ գյուղում: 1980-1982թթ. ծառայել է խորհրդային բանակում: 1980թ. ավարտել է Արթիկի ինդուստրիալ տեխնոլոգիական տեխնիկումը: 1985-1989թթ. սովորել է Օմսկի ավտոճանապարհային ինստիտուտի ավտոմոբիլային տրանսպորտ եւ տրանսպորտային ձեռնարկություններ բաժնում, ապա ուսումը շարունակել է Երեւանում եւ 1992թ. ավարտել է Երեւանի պոլիտեխնիկական ինստիտուտը: Ճարտարագետ-մեխանիկ: 2000-2003թ. եղել է ՀՀ Շիրակի մարզպետի տեղակալ: 2003-2007թթ.՝ ՀՀ Շիրակի մարզպետ: Արցախյան ազատամարտի մասնակից է, «Իշխան Մկրտչյան» ջոկատի հիմնադիր հրամանատար: 1990 թվականից ՀՅԴ կուսակցության անդամ է: 2016թ՝ ՀՅԴ Հայաստանի Գերագույն մարմնի անդամ: 2017թ. ապրիլի 2-ին ԱԺ պատգամավոր է ընտրվել ՀՅԴ թիվ 11 ընտրատարածքի տարածքային ընտրական ցուցակով: Պարգեւատրվել է «Շուշիի ազատագրման համար» (1994թ., ԼՂՀ), «Արիության համար» (2008թ., ԼՂՀ), «Դրաստամատ Կանայան» (2009թ., ՊՆ), «Անդրանիկ Օզանյան» (2016թ., ՊՆ) մեդալներով: Ամուսնացած է, ունի երեք զավակ:

Ծնվել է 1985թ. հունվարի 21-ին Իջեւանում: 2005-2007թթ. ծառայել է ՀՀ զինված ուժերում: 2005թ. ավարտել է ԵՊՀ Իջեւանի մասնաճյուղի հումանիտար գիտությունների ֆակուլտետի պատմության բաժինը, 2007թ.` «Ֆինանսաբանկային քոլեջ» հիմնադրամի «ՀՀ բանկային համակարգ» ներածական եռամսյա ուսումնական ծրագիրը, 2016թ.՝ Հայաստանի պետական տնտեսագիտական համալսարանի կառավարման ֆակուլտետի պետական եւ մունիցիպալ կառավարման բաժնի մագիստրատուրան: Պատմաբան: Պետական եւ մունիցիպալ կառավարման մասնագետ: 2008-2010թթ. աշխատել է «Կոնվերս բանկ» ՓԲԸ «Իջեւան» մասնաճյուղի վարկային մասնագետ: 2009թ. ընտրվել է Իջեւան համայնքի ավագանու անդամ: 2011-2015թթ.՝ Իջեւանի փոխքաղաքապետ, 2015-2017թթ.՝ «Հայանտառ» ՊՈԱԿ-ի «Իջեւան» մասնաճյուղի տնօրեն: 2003 թվականից ՀՅԴ անդամ է: 2017թ. ապրիլի 2-ին ԱԺ պատգամավոր է ընտրվել ՀՅԴ թիվ 13 ընտրատարածքի տարածքային ընտրական ցուցակով: Ամուսնացած է, ունի երկու զավակ:

Ծնվել է 1959թ. փետրվարի 15-ին Երեւանում: 1982թ. ավարտել է Երեւանի պետական համալսարանի բանասիրական ֆակուլտետը: Բանասեր, հայոց լեզվի եւ գրականության ուսուցիչ: 1982-1991թթ. աշխատել է «Ավանգարդ» թերթի թղթակից, այնուհետեւ բաժնի վարիչ: 1991-1994թթ.` «Երկիր» օրաթերթի բաժնի վարիչ: 1998 թվականից աշխատում է ՀՀ հանրային ռադիոյում: 1989 թվականից ՀՅԴ կուսակցության անդամ է: Նույն թվականից՝ Հայաստանի ժուռնալիստների միության անդամ: 2007-2012թթ.՝ ԱԺ պատգամավոր (համամասնական ընտրակարգ, ՀՅԴ): ԱԺ եվրոպական ինտեգրման հարցերի մշտական հանձնաժողովի անդամ: «Հայ Յեղափոխական Դաշնակցություն» խմբակցության անդամ: 2018թ. մայիսի 16-ին ԱԺ պատգամավոր է ընտրվել ՀՅԴ համապետական ընտրական ցուցակով: Պարգեւատրվել է «Մխիթար Գոշ» (2011թ.), ՀՀ մշակույթի նախարարության ոսկե (2016թ.), ՀՀ սփյուռքի նախարարության «Մայրենիի դեսպան» (2016թ.) մեդալներով: Երկու գրքի՝ «Ծուխ» եւ «Հավատամք», եւ բազմաթիվ հոդվածների հեղինակ է: Ամուսնացած է, ունի մեկ զավակ:

Ծնվել է 1983թ. ապրիլի 6-ին Վաղարշապատում (նախկինում՝ Էջմիածին)։ 2004-2006թթ. ծառայել է ՀՀ զինված ուժերում: 2004թ. ավարտել է Երեւանի պետական համալսարանի իրավագիտության ֆակուլտետը, 2008թ.` նույն ֆակուլտետի մագիստրատուրան: Իրավաբան: 2010-2012թթ. եղել է Վերահսկիչ պալատի իրավաբանական վարչության մասնագետ։ 2015-2017թթ.՝ ,Մոնոլիտ գործարանե ԲԲԸ գործադիր տնօրեն։ 2017թ. ապրիլի 2-ին ԱԺ պատգամավոր է ընտրվել ՀՅԴ թիվ 6 ընտրատարածքի տարածքային ընտրական ցուցակով: Ամուսնացած է, ունի մեկ զավակ։